dekhaa hai zindagii ko kuchh itnaa qariib se
chehre tamaam lagne lage haiN ajiib se
is reNgtii Hayaat ka kab tak uThaayeN baar
biimaar ab ulajhne lage haiN tabiib se
har gaam par hai majma-e-ushshaaq muntazir
maqtal kii raah miltii hai kOO-e-Habiib se
is taraha zindagii ne diyaa hai hamaaraa saath
jaise ko_ii nibaah rahaa ho raqiib se
ai rooh-e-asar jaag kahaaN so rahii hai too
aawaaz de rahe haiN payambar saliib se
(†Î±Î·hα...!!)