Aankhon mein sitaare to kayi shaam se utrey

Aankhon mein sitaare to kayi shaam se utrey
Par dil ki udaasi na dar-o-baam se utrey

Kuch rang to ubhrey teri gul pairhani ka
Kuch zang to aayina-e-ayyam se utrey

Hotey rahey dil lamha ba lamha teh-o-bala
Woh zeena ba zeena barey araam se utrey

Jab tak tere qadmon mein farukash hain sabukash
Saqi khat-e-baada lab-e-jaam se utrey

Be-tama nawazish bhi nahi sang dilon ki
Shaayed woh mere ghar bhi kisi kaam se utrey

Auron ki qaseeday faqat aaward they janaan
Jo tujh pe kahey shair woh ilhaam se utrey

Ae jaan-e-Faraz ae mere har dukh ke maseeha
Har zeher zamaane ka tere naam se utrey!
" (†αηhα...!!)